Witejcie, zołcne Panusie i zołcni Panołckowie!
Gesichta,
jakby tak wsystko do kupy policoł, łoĽymnołstoł - a drugoł przed
konkurs w Ugianach - coch jong w roku Pańskyng dwatysionceajedyn napisoł,
nie, izby juza¶ jaki tang prajz wyscyrzać abo inksyng ludziong na przyk
robić; tez ni, izby¶ta sy mnong mieli łostuda - a jus wcale, bo mi sie
chopki stawiajong - yno jedinie po to, izby era i kwołlba nasej ¶lonskej
gołdki jescy i wtedy dalyj trzwały, jakby nołs tak, cego Boze nie dej, rołz
casu brachnonć miało.
Alfred Bartylla-Blanke
Wilijo w Łabyndach
Pyrsk Pierony !
Dzisiej
chca sam troszka porozprawiac jak to bouo i jeszcze je u nos w Łabyndach na
Wilijo. Napewno w kożdomu bouo to konsek inaczyj , ale tysz kożdy znondzie
sam cosik co i u niego w doma tak samo abo podobnie wyglondauo. Przodki cza
bouo już pora dni zawczasu chycic sie za sprzontanie w doma i kole doma.
Cza bouo tysz geszynki pokupowac do kożdego i nakupić wszysko do jedzynia.
Kery niy pamiynto tego stonia za karpiym abo mielynia maku (?) Niykere mieli
chlywik, to i huwa abo huwika sie biouo. No ja, kokot, ynta abo gyn¶ to
bouo przeca normalne. Przi inkszych domach chowane bouy kroliki, to i tukej
bouo co na swiynta do jedzynio.
Szwager
Cymbergaj i inksze
Pyrsk
Pierony !
Dzisiej chciolech Wom przipomniec jedyn szpil, kery juz chyba je prawie
zapomniony. Pamiyntocie cymbergaja ?! To je domie nojbardziyj slonski szpil,
wiyncyj slonski jak szkat. Ale szkata to grali wielke Pierony, a bajtle
mieli swoje szpile. Mysla tysz, co cymbergaja grali (grajom) niy ino bajtle.
Wiela razy za bajtla siedzieli my colki dziyn (we zima) u keregos kumpla w
piwnicy (kaj my se robiyli klub - tak my na to godali) i grali tyn szpil.
Szpasu bolo tela ze niyroz na drugi dziyn zamiast isc do szkoly to szli my
na blauka coby pograc w cymbergaja. Ja, tak to kedys bolo, a potym zaczli
chopcy wyjyzdzac do !Rajchu! i poleku sie juz zodyn niy ostol, kery by to
jeszcze grol. Dzisiej som te Air- Cymbergaje, ale to juz niy robi tela
szpasu. Mysla, co mozno sie werci tukej konsek przipomniec, jak to sie gralo
i robiolo samymu tego cymbergja. Dyc przodki trocha o tym jak my to se
rychtowali tyn szpil.
Szwager
|
