Mauowiela o H.B.
Szkryklac o nim to niyma synsu. Cza go ino czytac. A jak o czytanie idzie to je on juz mocce „Glywiczokom”, i
niy ino Glywiczokom, znany. Od niego cztyroksiong o Glywicach i Gornym Slonsku dou mu suawa, ale gynau tak samo piykne som np dwie jego maue
ksionzeczki, kere juz idzie dostac i w jego miescie dziecinstwa - Glywicach. W prowdzie uwazom, co autora nojlepiyj czytac we orginale, ale
niy zawsze je to przeca myjglich. Tak tysz sam cosik polecom tym kere jeszcze miyszkajom we Glywicach. Mom sam na mysli „Stopniowe
zamieranie krzyku” i „Zamek Koenigswald” (obie ksionzki som publikacjoma Wydawnictwa „Wokol nas”). Te dwie
ksionzeczki som ciekawe jeszcze wiyncyj jak je przeczytocie jedna za drugom. Piyrszo i drugo pokozujom zakres swiata jaki autorowi zostou ze
Slonska i Gliwic(ale niy ino) i jaki musiou wzionc ze sobom jak poszou furt ze Oberschlesien. Atmosfera downych Glywic i downego Slonska
znondzie tam kozdy kery jom poradzi znonsc jeszcze i dzisiej. Je to take restaurowanie downych Glywic i sznupanie za wspomniynioma. Czamu
niy ? To je jak lekcja geszichty, tyj niysfauszowanyj. Takyj geszichty niy poznocie nikaj ino we opowiadaniych starych ludzi, kere mieli te
szczynscie i te niyszczynscie tysz, szkryflac jom swoim zyciym. Tak to robi Horst Bienek i tak sie to nojlepiyj czyto. Zastanawio mie ale
skond sie biere odniego popularnosc. I wydowo mi sie ze wiym. Skromnosc z kerom szkryflo dowo mu i dzisiej po odniego smierci ta popularnosc
i przichylne opinie czytelnikow. Dowodow je na to aze za tela w jego tekstach. W ksionzeczkach tych znondziecie i pieronym wiela ze zycia
H.B. potym - potym znaczy po Glywicach. Nawet we „Zamek Koenigswald” , kerego akcja sie dzieje we Czechach je atmosfera, kero
niyzaprzeczalnie durch i durch wraco do swojskich do autora stron i czasow. Co je fikcjom a co je przezyte przes autora chocioz w mauyj
drobince, to je obojyntne. Wszysko sprowadzo sie do wrazyn z przezyc kere kedys tam zahaczouy o H.B. A przezou on mocka, niy mauowiela. Ale
tu zapraszom do czytania. Na koniec spomna i o inkszyj ksionzeczce, je niom (tym razym po niymiecku) „Reise in die Kindheit -
Wiedersehen mit Schlesien”. Godo ona jak i od niyj tytel wskazuje o rajzie w czas dziecinstwa i o juzas-trefiyniu sie ze Slonskym. Mie
niy poradzi wylys ze gowy jedyn fragmynt kaj autor godo o konsku wyngla kery se wzion ze Slonska mit do dom, do „Niymiec” i
postawiou u sia w doma jako pamiontka. To je nojpiykniejszo scyna jako idzie znonsc u H.B. Co bych chciou som miec stoc we moim cimrze na
oknie jak niy konsek wyngla ze Gornego Slonska? Ale na szczynscie mom sam aby stoc pora ksionzkow tego autora. Co bych sam niy naszkryklou
to by bouo ino mauowiela, a autor Horst Bienek je przeca warty przeczytania.
Pyrsk !
Szwager
|
|
|
