* * *
język nasz jest niemy
dlatego uważają nas za Niemców
und Verdünt wie Wasser
halten sie uns als Polen
zatem – cooż
rzykomy w tyj naszyj godce
kero tako kropowato i puklato
co jom żodyn mondry istny
na papiorze gryfnie nie zagro
co je w ainfarcie i na placu
a nawet w antryju i kuchni
ale kaj wyżi
- niy ma ii
ani w urzyndzie ani kościele
ani u rechtora – nikaj
moyjglich że beztooż
rzykomy po cichu
przeca i tak dobry Poonbooczek
such mo absolutny
i wiy uo co nom idzie
* * *
godajom że nos jeszcze niy ma
i nigdy niy bydzie
godajom że wymyśleli my samych siebie
jakby nos za mało
na tyj umynczonyj planecie było
godajom - a larmo jest wielkie
i kiedy tak suchom tego
ida na kerchow
siadom przi grobie uojca
i uosprawiom mu uo tym wszystkim
a po tym ida do dom
i elkeruja się to
może uoni majom racja
i jo już całkym zgupioł
Krystian Gałuszka
