IGRASZKI - FRASZKI
Wiater 2
I juzas wiater po swiecie dmucho
I juzas pedziou mi cos na ucho
Pedziou o kwiotkach kere zas kwitnom
Pedziou o frelce co je maszkytnom
Gwizdou tyn wiater na placu na nia
Chciou jom zakludzic zaro do siana
Ale ta frelka go niy suchaua
Bo na Karlika prawie czekaua
Daua kusika se Karlikowi
A keckom machua ino wiatrowi
Tak tysz wy synki obacht dowejcie
I z wiatrym wcale nic niy gwizdejcie
Niymrawa
Niyjedna ryczy do nos wodiczka
O hilfa Utopek prosi
Nad wodom stowiac cza by im swiyczka
A wiater niych jom niy gosi
Niymrawa dzisiej tam sie wkludzioua
Kaj kedys bojki miyszkauy
I ludziom mocka krziwdy zrobioua
Take to czasy nastauy
Wyciepniynty telefon
Zas dzisiej z rana telefon dzwoniou
A jo zaspany rynkom'ch go goniou
Goniou'ch go rynkom i wkoncu'ch znod
Jakech ze uozka na ziymia spod
Sztima cos godo, guos sie odzywo
I mie od lyniow z rana wyzywo
Otwarch zech slypie i uchym suchom
Nawet ze gymbom w telefon dmuchom
Nic niyrozumia czamu tak dzwoni
I czymu z rana po mie pieroni
Wkoncu'ch sie prawie coukym obudziou
I blank markotny do cimra skludziou
Tam ech sie chyciou rynkom za gowa
I pedziou w koncu take czi suowa
"Ale mom bojla!" - bo zech sie piznou
Z uozka zech zleciou na ziymia gwiznou
I zadzwoniouo mi bezto w gowie
Take budzynie niyma na zdrowie
Dyc telefonu downo juz niymom
A on durch dzwoni nawet pod ziymiom
Szwager
Janosch
Z jego Cholonka slynie Zaborze
Choc kajs zech slyszol ze cos niy moze
Szczimac tyj prowdy ze ksionzki kartek
Godali ze to niywiela warte
Widac jest tako juz polityka
Prowda przez palce ludziom umyka
Niy zawsze blikac sie chcom na siebie
Szkryflo sie piyknie yno lo niebie
A ziymia przeca mo swoje prawa
Nojpiyrw slimtanie potym zabawa
Zawsze sie idzie zdziybko zchacharzyc
Czasym tyz za tym trocha pomarzyc
Z tego marzynio bajki Janoscha
Lo nie jo ciyngym dlo dzieci prosza
A zy mnom przeca colko Europa
Gafto na kartki ze Zabrza chopa
Jak maly bajtel lobrozki widzi
I nad czytaniym chce mu sie biydzic
We tym tyz sztuka wielgo karlusa
W jego lobrozkach slonsko jest dusza
Bestoz go lubiom dzieci Europy
Z kerych wyrosnom porzondne chopy
I nasze wszyske pszone durs frelki
Powiym ze Janosch Slonzok jest Wielki.
Klokoczka
Rzodki to krzok jest z Morawski Bramy
Kedys w Radlinie byl hodowany
Z nasion rozance nawet robiyli
I lolyj ze nich tyz czasym piyli
Teroz chcom staro tradycjo wskrzesic
I zas krzokami tymi sie cieszyc.
Bronek
Co to je?
Co to klokoczka-loswiyc mie chopie
bo jo niy usna we ty utropie.....
Tak sie pytou Andrzej
Tera znoduech juz ta flanca
A pieronsko ze niyj franca
Sam se konsek poczytejcie
I za czary sie dowejcie
Bo jom heksy kedys znauy
Co czarami sie paprauy
http://ogrody.agrosan.pl/ciecinski/klokoczka/
Szwager
