O rymie
Siedza w doma z srogom rymom
I blank na nic lustu niymom
Szkryflom jakes tam gupoty
Boch niyposzou do roboty
Szukom szpasu w internecie
W kerym Wy tysz gupiejecie
Z rymom cosik sam rymuja
Tak kozdego obmaluja
Mozno zaczna se od Bruna
Prawdziwego fest „Pierona”
Dyc tyn Pieron miglancuje
Pomysuami nos zasuje
Durch wymyslo nowe rzeczy
Nos borokow z nudow leczy
Drugi niych sam bydzie Bronek
Konsek lepszy to „Pieron”-ek
On w piyniondzach starych sznupie
Pouno juz ich mo na kupie
Mysli co je milionerym
Chocioz sznita jy ze serym
Tak Wos widzom moje slypia
Momynt ! – tera tyj se chlipia.
Jo sie wcale niy oszczyndzom
Mie z uciechy palce swyndzom!
Ale co mom szkryflac o sia?
Beztusz o to Wos sam prosza
Ino prosza, – niy obstowom
Dejcie to co jo Wom dowom
Konsek szpasu, ze czi rymy
Mozno sam co namodzymy
Mozno wiyncyj nos w tyj biydzie
Z rymom w rymach leczyc bydzie.
Tak na koniec wyleczony
Szkryflom – Czimcie sie Pierony!
Szwager
