Igraszki - Fraszki
Kłodnica
By insze miasta miały coś przi tym
We Rudzie widza jo Dni Kłodnicy
Te dni tyz szłoby co roku robić
Tam kaj ta rzeka koryto żłobi
Bronek
Tako ideja ze tom Kłodnicom
Je nojmondrzejszo - szukej ze świycom
Ino niż przidzie do tego świynta
Wleziesz do Kłodki - spoli ci piynta.
Szwager
Jakbyś chcioł czekać aż bydzie czystszo
Toczyła woda by coroz gynstszo
Trza świynto rzeki robić nom pryndzy
By jom łobronić łod gorszy nyndzy
Niych w niyj zbabrajom sie ponki panie
Mie nic ich niy żol - niych to sie stanie
Chyba sie wtedy znojdom tu środki
Na łoczyszczynie tyj naszyj Kłodki.
Bronek
Tako je prowda i tak być musi
Niych sie we Kłodce ryba niy dusi
Niych kożdy Człowiek kery tam miyszko
Se to przemyśli aby roz wszysko.
Szwager
Jo przi ty rzece miyszkom po blisku
I jyj smrod czuja czynsto we pysku
Durś ło tym myśla co tu napochać
By łona czystszo była choć trocha.
Bronek
Dni Kłodki
Sztartnońć z tym szłoby i na Halymbie
Ino że pomysł tyn w moji gymbie
Jak rudzkim vipom tyn tymat wtrynić?
By richtig chcieli Kłodnica zmiynić.
Bronek
Dni Kłodnicy stanowią część tematu Dni Śląska na internetowym forum o adresie www.echoslonska.com/forum2
Serdecznie zapraszam na to forum.
Bronisław Wątroba
