We Radzionkowie
We Radzionkowie we ich liceum
Na dwa tygodnie majom muzeum
Dzisioj łotwiyroł żech tam wystawa
Piykno ze gośćmi mioł żech zabawa
Tam ło noblistach chodziyła godka
W kerych Ślonsk wybioł sie aż do przodka
I te notgeldy nasze dran prziszły
Ze Ślonskym w sercu goście stond wyszli
Ty
Kaj sie wejrzysz widzisz siebie
Jak zrozumisz toś już w Niebie
Wszysko tobom i tyś wszyskim
We tym Pon Boczkowi bliskim
Twoja myśl i twoje słowo
Je tym co sie tukej stowo.
Bronisław Wątroba
