LIST DO DZIECIONTKA I
Pionty krziżyk
mi już leci
A dzieciontko jest dlo dzieci
Ło zabowkach jo niy myśla
Ale list tyn jednak wyśla
Bo jest coś
w co jo sie bawia
Moje klocki to wystawa
Z kerom bych chcioł Ślonsk zwyndrować
Nim sie zdonża w trule schować
Pomoż mi w
tym Dziecionteczko
Chocioż trocha chocioż deczko
Bo jakbyś to Ty zechciało
Pryndko by sie pokulało.
LIST DO DZIECIONTKA II
Pon Boczku,
Jezusiczku, a i Ty Maryjo
Jak Rudzie klupnie fufcig mo mieć galeryjo
Kajby nasze notgeldy wszyscy łoglondali
I historyjo Ślonska na nich poznowali
Przeca jo łod dość dowana yno ło tym myśla
A choćżech już glacaty do Dzieciontka list śla.
Bronisław Wątroba
