Nôkładã wëdôwiznë ROST ùkôzôł sã zbiérk wiérztów Michała Piépra pòd titlã
Wanoga pò mëslach. Zawiérô 32 wiérztë przede wszëtczim z 90ëch lat. Ksążeczka je do kùpieniô w sedzbie wëdôwiznë
w Baninie-Dąbrowie, w krómach kaszëbsczich ë na stojiszczach na rozegracëjach òbéńdowëch.
Wëdôwk wiérztów Piépra
Cemné blónë spią,
Nad głowama karuzel.
Żóden nie chcôł wrzeszczec,
Czedë cëchòsc rosła.
Wróżk rozkłôdôł rãce,
Bajkòwą kùglą pòtłukł.
Panôrz sztormów òstrził,
Kòlce kąsawëch grzëmòtów.
W kòżdim wezdrzeniu hëc,
Rozgrzónô wëbùchã pòmstë.
Òdżin połëkôł czas.
Kò gwësno mògło bëc tak ùbëtno...
Cëchi zôtor wiecznégò cygù,
Zbùrzëła kaskada bezrëchù.
Wałë òdpłëwającé zrësził szorm,
Wënëkając wieczornégò skòczka.
Melodijô ùlubionô, ùkòlibónô.
Nicht nie béł w sztãdze rozdmùchac blón,
Krzëkù zdëszëc,
Nastôł paralusz, niesëga chwatu,
Chòc tëli bëło słów z nama,
Nigdë nie wërzekłëch.
Chaòs w damieniu.
Kò gwësno mògło bëc tak ùbëtno...
Michôł Piéper
www.zk-p.pl/odroda/index.htm
Òbaczë téż w dzélu Lëteratura http://www.zk-p.pl/liter
|
|
|
