|
Moje ukochane Uogewniki stowajom sie
pomau "pympkiem s'wiata" nie ino dlo mie.
Ta "wies' surzebno" pod Bytomiem, jak jom nazwano w dokumyncie z
1254 roku, skuodaua sie z trzech folwarkow: Gornych,
S'rodkowych i Dolnych Uogewnik ( Ober, Mittel und Nieder Lagewnik ). A do
tego miaua, co ciekawe, trzy kolonie ( dzielnice ):
Hubertus, Zgorzelac i Vierteil.
W tyj piyrwszyj, na Hubertusie - nazwa pochodzi uod nazwy Huty
"Hubertus" ( po wojnie Huta "Zygmunt" ) - STO LOT tymu
powstaua piyrwszo szkoua ( kero nojprzod boua filiom szkouy z Gornych
Uogewnik ).
24.12.1900 r. na specjalnym posiedzyniu Krolewskiego Rzondu w Opolu
przyznano jyj samodzielny systym nauczanio, kery zostou wprowadzony 1
Aprila 1901 roku.
W piyrszym roku chodziouo do niyj 390 dzieci, z kerych 250 godauo po
polsku, 54 po niymiecku, a 86 i tak i tak.
W szkole uczono jynzyka niymieckego, historyji, gyjografji, przyrody,
rachunkow, religji, s'piywu, rysunkow i gimnastyki.
Dlo uczczynio tyj rocznicy szkouy, couke Uogewniki S'lonske uod dwuch dni
s'wiyntujom.
W piontek szkoua dostaua nowy sztandar, a w sobota bouo jego pos'wiyncynie
w naszym kos'ciele.
Dzieci, nauczyciele, a i zaproszone gos'cie, paradnie przemaszerowali z
niym przez Uogewniki do szkouy. Tukej uodboua sie
uroczystos'c' uoficijalno, zwiedzynie szkouy, piyknyj nowyj sali
gimnastycnyj, pracowni komputerowyj, izby tradycji, w keryj zostauo
zgromadzone wiele sprzyntow downego wyposarzynio s'lonskego domu i wielko
ciekawostka - drewniana bazylika wykonano z poru tysiyncy
poracyntymetrowych kawoukow drewna. Miou Janow swoja grupa " malyrzy
naiwnuch ", miauy
i Uogewniki swojego modelorza-rzez'biorza amatora ( Emanuel Piecha ), co
budowou istne cacka.
WERT JEST TO UOBEJRZEC' !!! Po cichu powiym Wom, co idzie to wszystko
pouoglondac' w Szkole Podstawowyj numer 27 imiynia Wiktora Palin'skego w
Uogewnikach S'lonskich. Biercie swoje dzieci i przyjyrzdrzejcie !!! Morze
sie jeszcze zahocycie na uodpust, karasole, szisbudy i piekarske pierniki.
Bo potym, nojblizszo uokazja, bydzie dopiyro na pielgrzymce chopow i
muodziyn'cow do Matki Boskiyj Piekarskiyj !
|
