|
Do moich ukochanych Uogiewnik przyjechauy
jak co roku karasole. Bo to przeca niedugo uodpust naszego patrona,
s'wiyntego Jana Nepomucyna. Downiyj kobiyty z tyj uokazji plotuy zielone
uan'cuchy, z zielinych gauonzek tujow, kere rosuy na smyntorzu. A
uan'cuchy te bouy duge jak couki guowny gonek miyndzy uawkami w kos'ciele
i nad niymi rozwieszone. W lufcie roznosiou sie uodpustowy zapach. Tym
zapachym zielyni przesionkniynty bou couki kos'ciou. Tyn zapach cuc' bouo
ino w uodpust. Jesce mie s'wiyn'dzi i cuja go w nosie. Uan'cuchy
uoplecione bouy biouymi szarfami. Piyknie sie to robiouo i dostojnie
wyglondauo, a przy tym bouo za darmo. Dzisioj jusz sie nikomu by tak nie
chciauo. Uod dziecka ciekawiou mie tysz tyn nasz patron, co jest
namalowany na uobrazie w guownym uoltorzu. A tak ku prowdzie, ,jego gest,
z przyuorzonym palcym przy gymbie. Tak choc'by chciou kogos' uciszyc'. Jak
my za bajtla na Niego spojrzeli, to korzdy zaroz przestowou godac' i
milknou. Po latach mys'la sie po cichu, rze nie chodziyuo downym
parafianom ino uo to coby przypomniec' w tym ges'cie namalowanym na
uobrazie, historyjo uo tajymnicy spowiedzi, za dochowanie keryj Uon ponios
myn'czyn'sko s'mierc', ale morzno i uo to coby nom, potomnym, przekozac'
prowda, rze milczynie jest zuotym. Rze poznowo sie ludzi po robocie, a niy
po godce. A rze Nepomuki stojom po coukim S'lonsku, Morawach i w Czechach,
przez to i nie dziwota, rze nie som my za skorzy do uozprowki. Lepij idzie
nom robota. Inni na uopach. Durzo lepi idzie im godka, ino godka!
Skutki tego widac' douokoua. Przy okazji, przypomniauy mi sie historyje,
jak to jusz kedys', poru znacznych S'lonzokow, kiedy ich napasztowano uo
to rze niby niy umiom godac' ( po polsku ), uodpowiadali: teraz my bydymy
sie uczyc' godac',
a wy robic' ! Morze zrozumieli ta prowda przy naszym patronie? Morze byli
u nos na uodpu¶cie?
Czeko nos na jesiyni "morze wodolejstwa zuotoustych politykow".
Jurz mi ciyrpnie skora. Na samo mys'l !
No, ale miou rzech uosprawiac' uo karasolach !
Na pewno pamiyntocie jak to downiyj przyjerzdrzauy roztomajte kecioki,
gondle, uodki-chus'towki, po kerych niyjedyn sie posfrocou. Dzisioj w
robocie moj kamrat Edek uosprawiou jak to jego mama i tata poznali sie na
takim kecioku. A zacuo sie uod tego, co uon jom zacnou na tym kecioku
uobrocac' ( niy mys'lcie sie przy tym nic zberez'nego ! ). Mauo kery wiy,
co w taki uotpust z karasolami, uodbywaua sie edukacjo nojmuodszyj
generacji s'lonzokow w zakresie PRZEDSIYMBIORCZOS'CI !
Wtedy mauo byuo jeszcze karasolow z elektrycznym napyndym. Te mniejsze
karasole dlo mauych dzieci sie po prostu cisuo.
A zasada boua tako: trzy razy cis'niesz, roz sie morzesz przejechac' na
karasolu. Jusz wtedy ucyli my sie, co nie morzesz cekac'
z zauorzonymi rynkami, jak cos' chcesz uosiongnon'c'. To bouo take proste,
a tak wychowawcze ! Rzodnymu na uodpu¶cie niy
groziouo bezrobocie ! Korzdy mog cis'. Kedy i wiela chciou. I za korzdym
razym miou z tego profit ! ZYSK !!! Dzisioj korzdy uod
mauego ino umi rycec' DEJ !!!
A pamiyntocie szizbudy, w kerych szuo wyszczelic' lizok, kwiotek, abo take
kolorowe ptasie piorka?
Nojbarzij popisywali sie przy nich mode wojoki, kerzi chcieli pokozac'
rezultaty wojskowych c'wiczyn'.
Czynsto sie jednak blamowali, bo uobsuga szizbudy uobracaua im s'rot na
uopach, kery wylatywou z lufy kaj chciou.
Kupa przy tym byuo uciechy. Wiela z tyj atmosfery jest jeszcze na naszych
uogewnickich uodpustach. Biercie dzieci
i przyjyrzdrzejcie ! PRZYJECHAUY JUSZ KARASOLE !!!
|
