|
Z moich ukochanych Uogewnik S'loonskich
niyrod sie ruszom. Tukei mom wszystko, co mi trza. Tukej jest moja blizszo
i dalszo rodzinka, przyjociele, kamraty i dobre sonsiady.Tukej stoji mooj
stary familok i jest mooj plac, kaj rzech sie urodziou i lotou za bajtla.
Tu mom uogrodek, kaj uodpoczywom po robocie, abo kaj moga regynerowac' sie
w ciynszkiyj fizycnyj robocie, jak mie zmyncom mys'li. Tu jest moja
parafio uod s'wiyntego Jana Nepomucyna i tukej jest smyntorz z kos'ciami
uojcow, dziadkow i krewnych. Kaj mi uciekac'? Po co darymnie rajzowac'?
No chyba rze chodzi uo tak warzno dlo
korzdego S'loonzoka sprawa, jak na tyn przykuad, pielgrzymka do Piekor. No
ale co to za wyprawa? Ledwo pora kilometroow. Po nieszporach som my jurz
nazod w doma, witani kwiotkami przez nasze kobiyty.
To rze nie jest to wielko mitrynga dlo rzodnego uogewniczana, morze
pos'wiadczyc' i to, irze nawet biskup pomocniczy Gerard, idzie co roku z
nami. Wielki to przy tym splyndor dlo moich Uogewnik i naszyj pielgrzymki.
Honoru tego dostympujymy dziynki tymu, rze z katowickich parafii,
uogewnicko le¿y chyba nojblirzy Piekor. Na tym przykuadzie widac'
rze prowdom jest to, rze korzdy jak morze, przyjmuje stan "minimum
energetycznego", bo po co sie myncyc'? I po co szukac' dalekich
rajzoow?
W tym roku, coby tradycji stauo sie zados'c', tysz sie
"wypuszcza" do Piekor. A chca Wom powiedziec', rze rod tam ida z
wielu powodoow. Po piyrwsze, rzeby uszanowac' pamiync' ksiyndza Jana
Nepomucena Alojzego Ficka, imiennika naszego uogewnickego patrona. Coby
podziynkowac' Mu za sanktuarium, kere Uon zaczon budowac' i dziynki kerymu
Piekary moguy sie stac' duchowom stolicom S'loonska. Po drugie,
pszypomniec' sobie i inkszym, co Matka Bosko Piekarsko wielekroc'
powstrzymywaua zarazy, kere nawiedzauy s'lonski lud. Jak by trza byuo
wyproszac' zas' uochrona i uobrona przed wspouczesnymi zarazami, na kere
nararzony jest narod s'loonski, to Uona jest nojleoszom uopiekunkom i
uobron'czyniom.
Do Niyj pon'dymy, jak by ni dej Borze, buo trza prosic' uo powstrzimanie
kolejnyj jakiyjs' zarazy.
Za czasoow ks. Ficka pomogua Uona wyjs'c' wielu z nauogu pijan'stwa i
uchronioua wielu przed zarazom alkoholizmu.
Po trzecie, coby sie zastanowic', czy jurz nie czas zrobic' dalszo trasa,
do uorginauo uobrazu Matki Boskiyj Piekarskiyj, kery jest uod XVII wieku w
Uopoulu, naszyj staryj stolicy S'loonska. Przeca nie bou by to gupi pomys,
coby roz za jaki cos, wybrac' sie tam z pielgrzymkom. Choc' trza by wtedy
zrobic' trocha wiyncyj kilometrow. Wtedy tyrz, mieli by my morze uokazjo,
usuyszec' wiyncy mondrych suow uod arcybiskupa Alfonsa Nossola, bo bou by
Uon w roli gospodorza, u siebie doma.
Pragnou bych tego z coukego serca, po tym, co mi bouo dane usuyszec'
uon'skiego roku w Piekarach na pielgrzymce mynrzow i muodziyn'coow,
podczas nieszporoow.
Trasa do Uopoula nie booua by tako straszno, kej przeca, szuo by po drodze
zawitac' na Goora S'wiyntyj Anny.
A tak po prowdzie, nie mom sie co boc' tyj trasy i starac' sie za wczasu,
bo mom na swojym koncie flugi bardzo daleke, arz do samyj Japonii. Dalij
uod nos jusz chyba nie idzie rajzowac'.
Podglondou rzech tyn cud gospodarczy i spoueczny, dugo przed tym, jak
"elektryk z Gdan'ska " zauroczony tym co uobocou, zacon marzyc'
uo tym coby zbudowac' "drugo Japonio" u siebie. A niy zbudowou,
bo zapomniou uo myntalnos'ci swego narodu, coukym inkszyj nirz japon'sko
czy nasza - s'lonsko. Tam trefiou rzech do wspouczestyj stolicy - Tokio,
kero mie uoszouomioua i wprawioua w zachwyt. Tradycjo uosobio tam pauac
cesarski. Ale sentymynt ciongnie japon'czykoow do starszyj stolicy -
Kyoto, kaj widac' wpuywy wielkigo chin'skigo sonsiada
i jego kultury. Jest to miasto chin'sko-japon'ske, cesarskie miasto
spokoju Heian-kio, zbudowane z kon'cem VIII wieku, stolica chin'skiyj
dynastji Tang. Miasto w kerym jest downy pauac cesarski i w kerym
pozostauo 1600 s'wiontyn'. Jest s'wiontynia 1001 posongoow Buddy - z XIII
wieku, z uogromnym posongiym Buddy i 1000 mniejszych. Za miastym - suynny
Zuoty Pawiloon, s'wiontynia Kinka-kudzi, kero mo byc' siodmym cudym
s'wiata. Jy sie w chin'sko-japon'skiyj restauracji, kultywuje ceremoniau
picio zielonyj herbaty, muzyki koto i ukuodanie kwiotkoow - ikebany. Na
siedym elementoow muzyki dawnej, gagaku, cztyry elemynty przedstawiynio
som chin'skie, a trzy japon'skie. Nojstarszom stolicom, w keryj stworzono
podstawy japon'skiyj pan'stwowos'ci, na wzoor chin'ski, jest Nara. W niyj
to w VII wieku w imieniu cesarzowej Suiko, rzoondy sprawowou jej syn
ksioonrze Siotoku. Wtedy, w VII wieku, rozpoczooua sie historia Japonii
rzywa do dzisioj, nowoczesno. Muody ksioonrze wykorzystou silniejszo
kultura chin'sko dlo zbudowanio wuosnyj. To Uon wysuou do Chin wielu
muodych, moondrych ludzi z uobietnicom s'wietnyj przyszuos'ci, jak sie
wyksztaucom, wroocom i stworzoom wuasno lepszo kultura. Zaproszou na swoj
dwoor, do Nary, uczonych chin'skich, dyplomatoow i chin'skich
urzyndnikoow, coby uorganizowali administracyjo japon'sko na wzoor
chin'ski. Zakuodou chin'ske klasztory buddyjske. A w roku 604 wydou edykt
caukiym na wzoor chin'ski, wprowodzajoonc zasada bezwarunkowyj wiernos'ci:
gdy cesorz godo, wasal sucho!
Skond my to znomy? Mimo wielkigo uoddalynio w przestrzyni i kulturze,
korzdy widzi wiela jest analogii miyndzy Japoniom a naszym krajym.
Spytac' by sie ino trzeba bouo:
- skond przyn'dom do nos wpuywy "chin'skiyj" kultury?
- kaj momy suac' swoje dzieci po nauka i wto nom poomorze uorganizowac'
administracyjo?
- wto bydzie naszym Siotoku?
i kaj je nasze Kyoto i nasza Nara?
|
