Pyrsk Pierony !

... egal z keryj strony

Niywiedziolech ze Krzisztof Karwat aze tak glymboko poradziol sie wwiercic w tematyka zwionzano ze slonskom narodowosciom. Ja , tak je - jak sie czyto od niego ksionzka "Jak Hanys z Gorolem" to przilazi tako refleksja do gowy "Toc to szkryklo jedyn z nos , ale on by nojlepiyj zrobiol z nos Polokow" . No to co je K.Karwat Slonzokym abo niy ? No toc ze je , ino ze to co tam wymyslo na niyistniynie narodowosci slonskiyj to mi w gruncie rzeczy przypomino stwierdzynie inkszego autora , Marka Szoltyska . ale K.Karwat staro sie to swoje "niy" aby udowodnic w swoich tekstach a niy tak jak M:Sz. ajnfach pedziec _niy tego narodu niyma , a te co godajom ze je to som guptoki_ . Chocioz jak se dobrze przeanalizowac wywody Karwata , to skludzajom sie one tysz ino do stwierdzynia _niy ich niyma bo ich niyma_ . Smieja sie sam trocha z tych dwoch "Karlusow" bo przeca my som , tak samo jak zawsze my byli . A ze kerymus to niypasowalo abo adalyj niypasuje to ino potwierdzo fakt naszego istniynia .
Ja , tak zech to pedziol - a czamu ? Toc jak sie tysionce tak okreslajom to chyba cza sie to wzionc do gowy i pedziec "toc, majom ku tymu recht" , a niy ino pedziec _niy ich niyma bo jo sie z tym niy idyntyfikuja _ (chocioz analizuje to niy udalo mu sie uniknonc tego co jo sam wyciongom na wiyrch) .
Karwat moze czuc sie polskim Slonzokiym - to je jego recht , ino robi jedyn feler . W obawie o swoja idyntyfikacjo staro sie zmiyniac kolor "slonskyj skory" i musza go przestrzyc przed tym coby to on na koniec niy zostol na cescie som i niy wiedziol kaj mo isc . Od niego rozwazania som ciekawe , to fakt , ale tak jak on staro sie udowodnic blyndnosc okreslania sie Slonzokow jako narodu , tak jo starom sie mu tukej uswiadomic , ze to on sie myli . No ja , ciynzko sie samymu dyskutuje - to je niymozliwe cobych som sam godol o narodzie slonskim i od niego istniyniu, na zajtach "Echa Slonska" i mozno kerys z wos ta ksionzka czytol i mo tysz cosik do pedzynia , a mozno K:Karwat som nom tukej wytuplikuje jak to je ze narod godo ze je a on jako Slonzok staro sie udowodnic ze go niyma . Take cos to mozno by szlo nazwac odrombywaniym swoich slonskich korzyni , bo przeca Karwat je mo napewno na Slonsku . I niy je sam wytumaczyniym to co ta wyroznio , czyli doglymbno analiza zjawiska istniynia narodowosci (narazie dalyj niyzalegalizowanyj) slonskyj , czy raczyj jak to staro sie autor tyj ksionzki nadarymnie pedziec niyistniynia tyj narodowosci . To tak ze jednom sprawom w keryj autor w "Jak Hanys z Gorolem" sie myli . Drugo sprawa , i tukej mysla , ze to je niyspodzianka dlo K.Karwata , to geszichta czlowieka o kerym pisze w rozdziale "Dwukrotnie zdradzyni" . Tak sie trefiolo , ze i w tym , tam kaj pisze , co "Odtad wszelki slad po nim zaginol" tysz niy dokonca pedziol prowda , bo faktycznie slad zaginol , ale ostatni slad niy je w Chorzowie ino idzie w kerunku zielonyj granicy . Ale niy moga mu pedziec rzeczy kerych se zodyn (mozno) niy zyczy . Na koniec mom jeszcze jedne zdanie do K.Karwata (jak to kedys bydzie czytol) :
Jak na Slonzoka to mozno i nojglymbiyjjak poradziol poruszol sprawa narodowosci slonskyj , ale niywiym eli sie tom ksionzkom niy odwraco od nos Slonzokow . Abo ? Fakt faktym , ze ksionzka je ciekawo i zaproszom sam do dyskusji na tyn temat i

Pyrsk !

Szwager

PS
Szukom jeszcze jednyj ksionzki tego autora "Ten przeklety Slask" . Jak kerys Pieron poradzi mi dac jaki typ to juz tera fajnie dziynkuja .

« zurück zur Rubrik Miniatury